第一次打暑期工
琴日..非常之難忘噶一日...我咁大個仔第一次打暑期工窩...
(我去花園酒店做)
啱開始..都仲覺得無乜野...
幾舒服咁...就係擺下凳...抹嚇杯咁..
我哩D快人快手好快做曬喇...
我果時先知..做野做得快唔一定繫好事黎嘎...
做得快黎得快...果D野系做唔完嘎...
要我去分400只匙羹..仲要距D匙羹未洗咁噶款..
(古唔到花園酒店都系咁..果晚D羹就拿去比D客人照食)
到咗夜晚仲嗱命...有人結婚擺喜酒...果段時間真系慘咯...
先系幫人斟汽水...左手一紮可樂.右手一紮芬達..
問足三位臺...我兩隻手都抽曬筋..重到死
咁都算啦...
系果度果D實習生仲撲街
一陣叫你做哩樣一陣要你做果樣..
做得慢D距又鬧柒你...做得一唔啱距心水距又鬧
真系火滾..
我心霖..你都系實習生姐...你唔洗做噶..我一個做曬...
如果唔系打緊工...可能爆粗鬧距嘎喇...
本身系話十點落班噶..但系D野未搞掂..
又拖我地落班時間..無天理
搞到有Dfriend落班無車搭...打的翻屋企..
個個都話穩笨柒
唉..原來打工咁辛苦...
我第日唔可以咁大花灑喇..
穩錢原來咁難...